Un segredo do bosque

Qué bonitas son as historias de animais... e a desta sesión ainda máis. Esta volta Bieito trouxo Un Segredo do Bosque:

E despois de ler o conto aprendemos a estampar con moldes de animais, pero non nun folio, non. Estampamos en follas de carballo, nas máis grandes das Fragas do Eume!

E para a próxima? Veremos que nos trae Bieito :D

Os Camiños das Árbores

Esta vez, Bieito trouxo o conto Os camiños das árbores.

E árbore con árbore... bosques. Así que fixemos o noso propio bosque, con paus, coas nosas mans e con moita imaxinación:

Veremos a ver que nos trae Bieito para a próxima sesión! :D

Arce

Nesta sesión Bieito trouxo un conto precioso, de árbores e irmáns... ARCE!

E na próxima sesión? Veremos Bieito qué nos trae. :D 

O vento de Antón

Este mes é tempo de castañas, castañas asadas ou cocidas para comer ata fartar.
Pero... temos que ter coidado, porque como nos conta Bieito con este conto, moitas castañas na barriga traen consigo ventos trangalleiros.

Desta volta, lemos O vento de Antón.

 

Mirade que cousa tan bonita!

Agora a esperar á próxima sesión. A ver que nos trae Bieito! :D

Las 4 estaciones desde el gran ÁRBOL

Esta semana Bieito tróuxonos o conto: Las 4 estaciones desde el gran ÁRBOL.

Despois de ler o conto xa sabemos que os mouchos viven nun burato no tronco dunha árbore. Dende a súa casa pode ver como pasan as estacións. Como florecen as árbores, plantas e flores, como aparecen os froitos, como caen as follas no outono e a neve no inverno. 

Aprendemos que tamén podemos mouchear como Bieito pero só coas mans!

A para levar un recordo deste día de biblioteca, fixemos un marcapáxinas dun moucho e decoramos outro como grandes artistas!

E para a próxima? A ver qué nos trae Bieito... :D

Coñecemos ao MOUCHO BIEITO!!

Por fin coñecemos á nosa nova mascota: O Moucho Bieito!

E escoitamos por primeira vez a canción que cantaremos con Bieito cada día de biblioteca, xusto antes de ler os contos: "Pois imos contar un conto" de Pablo Díaz.

Esta primeira semana, Bieito tróuxonos o seu conto, o que fala del e da súa vida no bosque. Así que descubrimos que o noso moucho é policía e vixía aos animais e o bosque tódolos días.

Tamén aprendemos que os mouchos non falan coma nós, mouchean! e usamos un reclamo para asubiar e aprender a mouchear!

E para rematar, decoramos a nosa caixa para os contos do moucho Bieito. Una chea de contos con moreas de historias que Bieito nos deixa para les durante todo o mes!

E na próxima sesión? Veremos Bieito qué nos trae. :D

Benvid@s ao novo curso 2015-2016

Dende a Biblioteca do CRA de Bergondo queremos darvos a benvida a un novo curso cheo de interesantes e divertidas lecturas !!